फागण आयो रंगीलो महीनों श्याम (Fagan aayo rangilo mahino shyam Lyrics in Hindi) - Bhaktilok

 फागण आयो रंगीलो महीनों श्याम (Fagan aayo rangilo mahino shyam Lyrics in Hindi) - 

फागण आयो रंगीलो महीनों श्याम ,

म्हारा होसी सगळा काम

फागणियो प्यारो आय गयो

जद जद आवे फागण बाबा,मन में हर्ष अपार

रंग बिरंगा रंग बिखेरया खाटू में दातार

ओ बाबा आओ थे ले पिचकारी हाथ

म्हारे होली खेलो साथ

फागणियो प्यारो आय गयो

चंग धमाल की गूंज उठी है खाटू नगरी माय

श्याम नाम की मस्ती में तो हर प्रेमी हर्षाय

ओ बाबा आओ थे मोरछड़ी रे साथ

भगता पर राखो हाथ

फागणियो प्यारो आय गयो

इत्र गुलाल और चंदन महके सारी नगरी माय

दूर दूर तक ध्वजा श्याम की फागण में लहराय

ओ बाबा भूषण को पकड़ो अब तो हाथ

थे रहिज्यो हरदम साथ

फागणियो प्यारो आय गयो